Golaha wasiirada maamulka Hirshabelle ayaa maanta oo Khamiis ah shir Ku yeeshay Magaalada Jowhar ee gobalka Sh/ Dhexe, kaasi oo la sheegay inay kaga hadleen xil ka qaadistii madaxwaynaha Hirshabelle Cali Cabdullahi Cosoble.
Shirkan ayaa waxaa shir gudoominayay Madaxweyne ku xigeenka Hirshabelle Cali Cabdulaahi Xuseen Guudlaawe, ayaa waxaa looga hadlay xaaladda maamulka Hirshabelle oo mudooyinkan ahayd mid allow sahal ah.
Kulanka kadib ayaa shir jaraa’id oo uu qabtay Wasiiru Dowlaha Madaxtooyada maamul goboleedka Hirshabelle ayaa waxa uu ku sheegay in shirka uu ka soo baxay qoddobo ay ka mid yihiin:-
1)- Goluhu waxa uu ayiday go’aankii dastuuriga ahaa ee xilka loogaga qaaday Madaxweynihii hore ee Hirshabele Cali Cabdulaahi Cosoble.
2)- Goluhu waxa uu ugu baaqay dowlada federalka iyo beesha caalamka in la raaco lana taageero goaanka ay gaareen baarlamaanka 14ka bishan.
3)- Goluhu waxa uu isku raacay in loo diyaargaroobo doorashada Madaxweyaha cusub ee dowlad goboleedka hirshabeelle.
